Baku Modern Təhsil Kompleksinin IB şagirdi Zahir Salahzadə elmi tədqiqatına görə beynəlxalq səviyyədə tanınıb.

ITECX College çərçivəsində, dünyanın ilk qeydiyyatdan keçmiş elmi K–12 konqresində aparılan onun tədqiqatı beynəlxalq indeksləşdirilən, resenziyalı Journal of Information Analytics jurnalında dərc üçün qəbul edilib.

“Bizneslər kibertəhlükəsizliyi və maliyyə şəffaflığını artırmaq üçün blokçeyn texnologiyasından nə dərəcədə yararlana bilərlər?” adlı tədqiqat blokçeyn texnologiyasının bizneslərə kibertəhlükəsizlik sistemlərini gücləndirməyə və maliyyə şəffaflığını yaxşılaşdırmağa necə kömək edə biləcəyini araşdırır.

Baku Modern Təhsil Kompleksi Zahir Salahzadəni təbrik edir, ona akademik yolunda və gələcək elmi fəaliyyətində uğurlar arzulayır.