Dövlət İmtahan Mərkəzinin 10 illik yubileyinə həsr olunmuş “Qiymətləndirmə sistemləri: Etimad, Şəffaflıq və İnnovasiya” mövzusunda beynəlxalq elmi-praktik konfrans keçirilib. Konfrans bu istiqamətdə ölkəmiz üçün mühüm mərhələ olub.

Bakı Modern Təhsil Kompleksi qürurla qeyd edir ki, müəllimləri uzun illərdir Dövlət İmtahan Mərkəzinin ekspertləri kimi ölkənin qiymətləndirmə sisteminin formalaşmasına töhfə verirlər.

Bu müəllimlər arasında fizika üzrə fəlsəfə doktoru, Azərbaycan Respublikasının Prezidenti yanında Dövlət İdarəçilik Akademiyasının dosenti Əlövsət Rəcəbli; biologiya müəllimi, “İlin müəllimi” və “Tərəqqi” medalı laureatı Fəridə Əliyeva; fizika müəllimi, Nəsirəddin Tusi mükafatı laureatı və I dərəcəli diplom sahibi Nərgiz Hüseynova yer alır. Kompleks müəllimlərinə peşəkarlıqları və töhfələri üçün təşəkkür edir.