Bakı Modern Təhsil Kompleksində 2026–2027-ci tədris ilinə start verildi.

Yeni tədris ilinin ilk günü məktəb həyatına ilk addımlarını atan 1-ci sinif şagirdlərimizin qarşılanması ilə əlamətdar oldu. Bu gün onların həyatında yeni mərhələnin başlanğıcı olmaqla yanaşı, bilik, inkişaf və gələcək uğurlarla zəngin uzun təhsil yolunun ilk səhifəsidir.

Bakı Modern Təhsil Kompleksi hər bir şagirdin akademik potensialını üzə çıxaran, fərdi inkişafını dəstəkləyən və onları dəyişən dünyanın imkanlarına hazırlayan müasir təhsil mühiti yaratmağa davam edir.

Yeni tədris ili bütün şagirdlərimiz üçün böyük hədəflərin, dəyərli təcrübələrin və yeni nailiyyətlərin başlanğıcı olsun.